«Шынықсаң- шымыр боласың» Абенов Д.Д
Алматы қаласы Білім басқармасы
Әуезов ауданы МКҚК №62 балабақша
Мерекелік іс шара
«Шынықсаң- шымыр боласың»
Дене жаттықтырушысы: Абенов Д.Д
Білім беру саласы : « Денсаулық»
Оқу қызметі : Дене шынықтыру.
Тақырыбы : «Шынықсаң- шымыр боласың»
Мақсаты: Салауатты өмір салтын ұстануға баулу. Спортқа деген қызығушылығын арттыру.
Міндеті: Әр түрлі спорттық ойын түрлерімен танысу, тәсілдерін меңгеру;
Балалардың икемділігі мен ептіліктерін, мергендік пен шапшаңдылық қабілеттерін дамыту.
Түрі: Эстафеталық ойын.
Өтілетін орны: Спорт алаңы.
Көрнекілігі: түрлі - түсті шарлар, доптар, кедергілер, жалаушалар, конустар, ысқырық, уақыт өлшеуіш.
Құрметті тәрбиешілер мен балалар,бүгінгі «Қош бол,жаз» сайысына қош келдіңіздер! Көңілді жарысқа МАДТ № 2топ. Топтың балалары 2 топқа бөлінеді.
Жарысқа қатысушыларды ортаға шақырамыз.
Ұстанған салауатты өмір салтын,
Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым!
Көтеріңкі музыкамен Денсаулық залға кіреді.
Денсаулық: Сәлеметсіздер ме, балалар! Менің атым-Денсаулық. Адамдар сәлемдескен кезде бір-біріне денсаулық тілейді. Кәне біз сәлемдесейік.
Балалар бір-бірімізге бұрылып «Сәлеметсің бе!» деп күлімдейік.
Денсаулық дегеніміз. Ауырмайтын, салауатты өмір салтын сақтайтын, дұрыс тамақтанатын, дене шынықтырумен айналысатын адамды айтамыз.
Денсаулық: Денсаулық мықты болып, ауырмау үшін не істеу керек ?
Балалар: Үнемі жеке бас тазалығын сақтап, денені шынықтыру, тамақты дұрыс ішу, күн тәртібін сақтау керек.
Денсаулық: Дұрыс айтасыңдар.
Балалар кім маған денсаулық туралы мақал-мәтел айтып береді ?
Бала: Дені саудың-жаны сау.
Бала: Денсаулық-зор байлық.
Бала: Тазалық-денсаулық кепілі.
Денсаулық: Жарайсыңдар балалар, мен сендерге ризамын.
- Балалар, мен сендермен қызықты жарыстар ойнағым келіп тұр.
Сайысымызды бастамас бұрын бір сергіп, көңілімізді көтеріп, бойымызды жазып алайық.
«Спорт, спорт, спорт»
спорттық- хореографиялық би: флешмоб
Денсаулық: Жарысқа келгендерді қарсы аламыз,
Әр таңды қуанып біз атырамыз.
Өнерлі балаларды бақыланыз,
Сайысқа қатысуға шақырамыз.
1 топ «Жұлдыздар» тобы
Ұраны – Біз жұлдыздай баламыз,
Бәрін жеңіп аламыз!
2 топ «Күншуақ» тобы
Ұраны – Күншуақтай жанамыз,
Бірінші боламыз!
Денсаулық: Міне командалар кездесіп, бір-бірін құттықтады. Олардың алда өтетін жарыста үлкен жетістіктерге жетулеріне тілек білдіреміз.
Жатып алмай төсекте!
Ерте тұрып жүгірсен,
Шынықтырып денеңді,
Күш-қуат жинап бойына
Өзіңді сонда нағыз спортшы деп есепте.
Спортшыларға сәтті қадам!
Бүгінгі жарысқа 2 топ қатысады. Осы топтардың жарысын бағалайтын әділқазылар алқасымен танысайық.
Денсаулық:
Алдарыңда көп тапсырма
Қиындықтан қорықпа
Күштеріңе сенеміз
Салыстырып көреміз
1 – сайыс: «Допты домалату»
Ойын шарты: допты кегли арасынан оң қолмен домалату.
2 – сайыс: «Картоп егу»
Ойын шарты: әрбір құрсауға бір-бір картоптан егіп шығамыз, келесі бала оны жинап шығады.
3 сайыс– «Кедергілерден өту»
Ойын шартты: Балалар екі қатарда тұрып кедергілерден өтеді, қолындағы допты себетке лақтырып, артқа қарай тура жүгіреді.
4 – сайыс: «Қарбыз тасу»
Ойын шарты:баланың қолына екі доп беріледі, допты қолтығына қыстырып, кедергілерден аттап келесі балаға қайта жүгіріп келіп, кезекті береді.
Жарыстың соңғы қорытындысы жасалады.
Денсаулық: Міне, біз : «Қош бол,жаз»атты мерекелік іс шараны сайыс түрінде өткіздік. Сендер нағыз спортшыларсындар. Үнемі осылай спортпен шұғылданыңдар! Ал, енді біздің төрешілер алқасы жарыстың қорытындысын жасап, жеңімпаздарды атайды.
Марапаттау: Сайысқа екі топтың балалары белсенді қатысып «ДОСТЫҚ ЖЕҢДІ!» марапаттау қағаздарымен марапатталады.
Қорытынды: Балалардың барлығы сайысқа белсенді қатысып, көңіл күйлері жақсы көңілдері көтерілді
Балалар:
Осылайша жарыс жолын тартамыз
Біз үйімізге көңілді болып қайтамыз
Бізді тәрбиелеп шынықтырған
ДарынДуйсенұлына рахмет айтамыз.
Денсаулық: Келесі сайыста кездесерміз. Сау болыңдар!
Балалар музыка әуенімен спорт кешенінен шығады.
